DJ MENON'S BLOG

April 14, 2017

പ്രപഞ്ചത്തിലെ ചില ശതമാന കണക്കുകൾ

DJ Menon

സർ, ശതകോടി താരാകദംബങ്ങളും അവയിലോരോന്നിലും ശതകോടി നക്ഷത്രങ്ങളുമുള്ള ഈ ദൃശ്യപ്രപഞ്ചം, ആകെയുള്ള പ്രപഞ്ചത്തിന്റെ എത്ര ശതമാനമുണ്ടാകും? ഒരുപക്ഷെ, 90, 50, 20, അതുമല്ലെങ്കിൽ പത്തെങ്കിലും?

യുൿതിവാദി: ഇല്ല സുഹൃത്തേ, അവ്യാകൃതവും വ്യാകൃതവുമായ പൂർണപ്രപഞ്ചത്തിന്റെ അഞ്ചു ശതമാനത്തിൽ താഴെ മാത്രമേയുണ്ടാകൂ നമുക്കു കാണാവുന്ന ഈ ദൃശ്യപ്രപഞ്ചം.

ശരി, സാർ. ശതകോടിയെങ്കിലും നക്ഷത്രങ്ങളുള്ള നമ്മുടെ ക്ഷീരപഥവും അത്തരം ശതകോടി മറ്റു ഗാലൿസികൾ വേറെയുമുള്ള ഈ ദൃശ്യപ്രപഞ്ചം മാത്രമെടുത്താൽ അതിന്റെ എത്ര ശതമാനം വരും നമ്മുടെയീ ഭൂമി? 20, 10, 5, വേണ്ട, ഒന്ന്?

യുൿതിവാദി: ഇല്ല ചങ്ങാതീ; അത്രയൊന്നും വരില്ല.

ശരി, സർ. പിന്നെ എത്ര വരും? 0.5, 0.1, 0.01, ഇനി അതുമല്ലെങ്കിൽ 0.0000000000000001?

യുൿതിവാദി: ഇല്ല സർ, 0.000000000000000000000000000000000000000000000000000000000003016 എന്നു പറഞ്ഞാൽ തത്‌കാലം ഒപ്പിക്കാം. [3.016 x 10^ −60%]

ശരി, സമ്മതിച്ചു. അപ്പോൾ പ്രപഞ്ചമുണ്ടായത്‌ ഒരു മഹാവിസ്‌ഫോടനത്തിലൂടെയാണെന്നും, അത്‌ സംഭവിച്ചിട്ട്‌ 1386 കോടി കൊല്ലങ്ങളായെന്നും മറ്റുമുള്ള ഈ ശാസ്ത്രത്തിന്റെ സിദ്ധാന്തങ്ങൾക്ക്‌ എത്രമാത്രം കൃത്യതയുണ്ടാകും?

യുൿതിവാദി: ഒരു സംശയവുമില്ല, 100%

നേർപ്പിക്കുന്തോറും വീര്യം കൂടുന്ന ഹോമിയോപ്പതിയ്‌ക്കുള്ള ശാസ്‌ത്രീയതയേയുള്ളോ അപ്പോൾ, ഈ യുൿതിവാദത്തിനും! ദൃശ്യപ്രപഞ്ചത്തിന്റെ വിശാലമാതൃകകളിൽ എവിടെയെങ്കിലും ഒരിടത്ത്‌ ഒരു നേർത്ത ബിന്ദുവായെങ്കിലും കയറിപ്പറ്റുവാൻ യോഗ്യതയില്ലാത്ത നമ്മുടെ ഈ അതീവ നിസ്സാരമായ കുഞ്ഞുഭൂമിയിലിരുന്ന്, തൊണ്ണൂറ്റിയഞ്ചു ശതമാനവും അജ്ഞാതമെന്ന് തങ്ങൾതന്നെ അംഗീകരിക്കുന്ന ഈ ബ്രഹ്മാണ്ഡകടാഹത്തിനെപ്പറ്റി ഇത്ര തീർച്ചയോടെ സംസാരിക്കുവാൻ ഇവർക്കു കഴിയുന്നതു കാണുമ്പോൾ, ഗവേഷണബിരുദമില്ലാത്ത, സർവകലാശാലാപണ്ഡിതനല്ലാത്ത വെറുമൊരു സാധാരണക്കാരനായ ഈയുള്ളവന്‌ സലീംകുമാർ മാതൃകയിലൊരു സംശയം- ‘എനിക്ക്‌ പ്രാന്തായതാണോ അതോ ഈ യുൿതിവാദികൾക്കു മൊത്തം പ്രാന്തായോ?’

വാൽക്കഷ്‌ണം: ഹോമിയോപ്പതിയുടെയും, യഹോവ-അല്ലാഹു-ബ്രഹ്മാവിഷ്‌ണുമഹേശ്വരന്മാരുടെയും അനുയായികൾ ഈ വാദം ഏറ്റെടുത്തേക്കരുത്‌. ദയവായി പിന്തുണയും പ്രഖ്യാപിച്ചേക്കരുത്‌.

 

 

[Tags and Glossary: ശതകോടി – നൂറു കോടി – One Billion; താരാകദംബങ്ങൾ – Galaxies; ദൃശ്യപ്രപഞ്ചം – Visible Universe; അവ്യാകൃതം – Unmanifested; വ്യാകൃതം – Manifest; ക്ഷീരപഥം – Milky Way Galaxy; “What percentage of the universe does the earth take up?” എന്ന് ഗൂഗിളിൽ തിരഞ്ഞാൽ കിട്ടുന്ന ഒരുത്തരം.]

Advertisements

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: